Ae Malik Tere Bandhe Hum

This is a forward i received from a newsgroup.

A parody on the situation in mumbai….

To be sung to the tune of Ae Malik Tere Bandhe Hum……..

Hey Mumbai tere bandhe hum,
Yeh kaise kyun hum-par situm,
Na railways chale, na BEST chale,
Paidal chalte huwe nikle dum.
Hey Mumbai——————


Waise office-se jaldi nikle hum,
Jamke station-thak badhaaye kadam,
Hum khade the magar, gaadi ki na khabar,
Toota ummeed-ka papaddum.
Aake baahar jab pheri nazar,
Dekha Bambai bana tha gutter,
Na auto chale aur na taxi rukhe,
Ab kaise karenge safar.
Hey Mumbai——————

Hua baarishse yun saamna,
Na kahin bijali, koi phone na,
MTNL kho gaya, Ambani bhi so gaya,
Andheremein hamein chhod diya,
Cell-phone bhi kare gadbadam,
Yeh kaisa bada sankatam,
Bhejemein fikr aur kuch na clear,
Bheegke tan man hua bahut naram.
Hey Mumbai——————

Thoda rukhke maine saans li,
Yaad aane laga family,
Biwi tum ho kidhar, bachhee hain kya udhar,
Ya kahin phas jaayenge raat-bhar,
Ab kaise karenge aur sabr,
Kare koi na aisa suffer,
Mere dilmein fear, aankhonmein tear,
Tension chadne laga ekdum.
Hey Mumbai——————

Chal pada public-ka caravan,
Girnewalonko kiya saavdhaan,
Hum chalte rahe, saath bhadte rahe,
Door manzil, kadi imtihan.
Man-holes bhi khule the idhar-udhar,
Upar thunder, neeche bhi no cover,
Drainage-ke tale khaddepe gire,
BMC bhi bada be-sharam.
Hey Mumbai——————

Yeh meteorology jaaye bhaadmein,
Saara metro duba paanimein,
Koi Shanghai kahe, future Hong-Kong kahe,
Yaaron unko hum paagal kahe,
Yeh hota hai year after year,
Kab sudhrega apna shahar,
Na Government sune, na bhagwan sune,
Rothe thairthe aa pahuncha main ghar.
Hey Mumbai tere bandhe hum!

4 Comments

  1. Quizman August 3, 2005

    LOL.

  2. Minal August 4, 2005

    Excellent, Hats off to the guy who created this!
    Covered every bit, every aspect so well, and in the end also makes people smile without feeling hurt.
    That’s a good one.

Comments are Disabled